每年的清明节，我都例必同埋其它叔叔婶婶、堂兄弟姊妹，一行十四人跟爷爷返乡下中山扫墓。其实爷爷一向都有个返乡下起祖屋的心愿，经过两年搞手续、起屋的时间，今次返到中山，我地毋须即日回程咁辛苦，决定在呢间新屋住返两三晚先走。
乡下地方特别多蚊，每张床都要有个蚊帐罩住。人多房少，唯有八个细路睡埋一间房，等D大人再自行分房。
可能系生保床的关系，我虽然好累，但已经系三更半夜都睡唔到，成晚就在张床度辗转反侧，好彩我侧边的妹妹够懒训，未有嘈醒佢。
我反转身来，见到床尾有个好高大的黑影企左系度。望落去好似我堂阿哥，我问：「做乜企系人地床尾呀？仲唔训？」讲完之后，我转身向另一边。
两分钟后，我又转过身，个黑影依然在我床尾，我又叫：「玩乜也呀？好夜喇！」呢次讲完我冇转身，只系望住个黑影，但佢冇反应。我坐起身再叫：「你再唔走我就打你?！咁夜仲玩D咁也?，吓死人咩？」
黑影依然企系度，于是我一拳向佢个身打落去，我即刻吓呆左。因为当我打落去时，乜野都感觉唔到，而个黑影亦立刻消失。我即刻盖返张被，迫自己快训着。直至到走果刻，我都冇同任何人讲过呢件事，皆因当时系清明节，迷信的爷爷对呢种事好顾忌。
|
